Avtobuslara bilet almaq istəyənlər üçün YENİLİK: bundan sonra...

Dövlət Avtomobil Nəqliyyatı Xidməti daha bir yeniliyə imza atıb. Avtosfer.az xəbər verir ki, bu barədə DANX rəsmisi Nuridə Allahyarova məlumat verib. Belə ki, çoxsaylı vətəndaş müraciətləri nəzərə alınaraq, onlayn bilet sifarişinin cari gündə yola düşən reyslərə də şamil edilməsi reallaşdırılıb.

Vətəndaş əvvəllər avtovagzal.az saytına daxil olmaqla növbəti 10 günə gediş bileti sifariş edə bilərdi. Bu dəyişiklikdən sonra cari günə - yəni bu günə də gediş bileti sifariş etmək mümkün olacaq.

Gediş bileti sifariş edilərkən, sərnişinin avtovağzala gəlib çatması və digər faktorları nəzərə alaraq istifadəçiyə seçim üçün növbəti 3 saatdan sonrakı müntəzəm reyslər təqdim edilir.