AYNA iki avtobus xəttində yenilik etdi - Birinin yolu uzadıldı, digərində interval azaldıldı

Mərdəkən qəsəbəsindən Buzovna qəsəbəsinin Zuğulba yolunadək fəaliyyət göstərən 144 nömrəli avtobusun hərəkət marşrutu Nardaran qəsəbəsinin Ləhic bağlarına qədər uzadılıb. 

Avtosfer.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.

Həmçinin Yeni Ramana yaşayış sahəsini “Koroğlu” metrostansiyası və “8-ci km bazarı” ilə əlaqələndirən 214 nömrəli marşrut üzrə sərnişin tələbatı nəzərə alınaraq avtobus sayı 24-ə çatdırılıb.

Nəticədə avtobusların hərəkət intervalı azalıb.