"Bakı Metropoliteni" QSC-də daha bir qatarın modernləşdirmə ilə orta təmiri yerinə yetirilib, qatar xəttə buraxılıb.

Bu barədə Avtosfer.az-a qurumdan bildirilib.

Məlumata görə, modernizasiya Rusiyanın Sankt-Peterburq şəhərinin “Spetsavtomatika” Mühəndis və İstehsal Mərkəzinin layihələri əsasında yerinə yetirilib. Təmir, sazlama və sınaq işləri zamanı, ehtiyac yarandıqda, layihə müəllifləri ilə audiovizual rabitə qurulur, müzakirələr, fikir və təcrübə mübadiləsi aparılıb.

Hazırda daha bir qatarda yuxarıda sadalanan modernləşdirmə yeniliklərinin tətbiqi ilə orta təmir işləri başlanıb. İlin sonuna qədər daha bir qatarın orta təmiri və modernizasiyası nəzərdə tutulub.