BNA üç küçənin kəsişməsindəki xaosu aradan qaldırdı; hərəkətin təşkilində dəyişiklik edildi - VİDEO

Bakı Nəqliyyat Agentliyi paytaxtın Qəzənfər Musabəyov, Cəfər Xəndan və 22-ci Dağlıq küçələrinin kəsişməsində hərəkətin təşkilinə dair dəyişiklik edib.

Avtosfer.az bu barədə Agentliyə istinadən xəbər verir.

Məlumata görə, 6 küçənin kəsişdiyi mürəkkəb yolayrıcında kəsişmənin həndəsi quruluşuna uyğun olaraq ilk dəfə taktiki urbanizm elementlərindən istifadə olunmaqla dairəvi hərəkət təşkil edilib.

Nəticədə kəsişmədə olan xaotik vəziyyət aradan qaldırılıb, hərəkət növbəliliyi təmin edilib, kəsişmədə qəza halları dəfələrlə azalıb, piyadaların təhlükəsizlik səviyyəsi artırılıb.