Bakıdan Füzuliyə ilk kommersiya təyinatlı sınaq uçuşu olub

Sentyabrın 27-də Azərbaycana səfər edən dünya şöhrətli səyyahların iştirakı ilə Füzuli Beynəlxalq Hava Limanına kommersiya təyinatlı sınaq uçuşu olub.

Sərnişin təyyarəsi ilə Bakı-Füzuli marşrutu üzrə uçuş müddəti təxminən 35 dəqiqə təşkil edib.

Səyyahlar hava limanında görülən yenidənqurma işləri ilə tanış olacaq.

Müxtəlif ölkələri təmsil edən səyyahların işğaldan azad olunan Şuşa və Ağdam şəhərinə də səfəri nəzərdə tutulub.