Bakının Abşeron küçəsi təmir edilir - FOTO

Azərbaycan Avtomobil Yolları Dövlət Agentliyi Bakının Xəzər rayonunun Buzovna qəsəbəsində Abşeron küçəsi döngə 21 ünvanında təmir işləri aparır.

Avtosfer.az xəbər verir ki, bu barədə Agentlik məlumat yayıb.

Məlumata görə, küçənin təmir olunan hissəsinin uzunluğu 1 500 metr, eni isə ortalama 6 metrdir. Aparılan yenidənqurma işləri çərçivəsində köhnə asfalt örtük frezlənib, zəruri olan yerlərdə yararsız qrunt qazılaraq çıxarılıb, əks-dolğu işləri icra olunub.

Hazırda ərazidə yeni yol əsasının inşası işləri aparılır. Daha sonra yeni asfalt-beton örtüyünün döşənməsi icra olunacaq.

Bu ilin “İnvestisiya Proqramı”na uyğun olaraq Xəzər rayonunun Mərdəkan, Binə, Buzovna, Qala və Zirə qəsəbələri ərazisində ümumi uzunluğu 26,5 kilometr küçə və yolun təmiri aparılır.