Bakının Fərid Ələkbərov küçəsinin bir hissəsi təmir edilib - VİDEO

Azərbaycan Avtomobil Yolları Dövlət Agentliyi Bakının Yasamal rayonunun Fərid Ələkbərov küçəsinin Hüseyn Cavid prospekti ilə Süleyman Dadaşov küçəsi arasında yerləşən hissəsini təmir edib.

Avtosfer.az xəbər verir ki, bu barədə Agentlik məlumat yayıb.

Məlumata görə, ortalama eni 8 metr olan sözügedən hissənin təmiri çərçivəsində köhnə asfalt-beton örtüyünün üst qatı frezlənərək kənara daşınıb, yeni asfalt-beton örtüyü döşənib, 300 p/m köhnə səki daşları bərpası edilib, 600 p/m yeni bordür daşı düzülüb.

Eyni zamanda yeraltı kommunikasiya xətlərinin baxış qapaqları layihə hündürlüyünə qaldırılıb və yeni baxış qapaqları, həmçinin yağış barmaqlıqları qoyulub. Küçə zəruri yol nişanları, üfüqi nişanlanma xətləri, piyada zolaqları ilə təmin olunub.

Bu il rayon üzrə ümumi uzunluğu 6 kilometr olan 5 küçə, ötən il isə 3,5 kilometr olan küçələr təmir edilib.