"BakuBus" avtobuslarında kondisionerlər erkən qoşuldu - AÇIQLAMA

"BakuBus" MMC-yə məxsus avtobuslarda artıq yay mövsümünə keçid edilib.

Avtosfer.az xəbər verir ki, bu gündən avtobuslarda kondisionerlər qoşulub.

Məsələ ilə bağlı "BakuBus" MMC-yə sorğu ünvanladıq.

Qurumun mətbuat katibi Əsmər Əliyeva Oxu.Az-ın sorğusuna cavab olaraq faktı təsdiqləyib.

"Reqlamentə əsasən, avtobuslarımızda kondisionerlər iyun ayının 15-dən qoşulur. Amma havaların isti keçməsi ilə əlaqədar sərnişinlərimizin rahatlığını nəzərə alaraq, artıq bu gündən kondisionerlər işlək vəziyyətə gətirilib", - deyə Ə.Əliyeva qeyd edib.