Bu da avtomat ötürücülü velosiped - FOTO

Avtomat sürət qutusu indi heç kim üçün yenilik deyil. Bütün qabaqcıl avtomobillər məhz bu cür ötürmələr qutusu ilə təmin edilir. İndi isə bu tip transmissiyaya malik velosipedlər mövcuddur.

Avtosfer.az xəbər verir ki, “Dechatlon” şirkəti “B-Twin LD 920 E Connect “  hazırlıqlarını başa çatdırıb. Velosiped görünüşcə digərlərindən çox fərqlənməsə də, əsas fərqi transmissiyadır. Burada ötürmə dəyişməyə ehtiyac yoxdur. 48 voltluq mühərriklə pilləsiz transmissiya qapalı qutuda inteqrasiya olunub. Pilləsiz transmissiya sistemində ötürmə tam avtomatik rejimdə, velosipedçinin pedala etdiyi təzyiqə görə dəyişir. Velosipedçi sürəti azaltdıqda mərhələli olaraq aşağı ötürməyə keçilir.  Sistemi sünii intellekt idarə edir.
2023-cü ilin payızında satışa çıxarılacaq velosipedin  3 200 avroya təqdim ediləcəyi gözlənilir.

Vüqar