Bu küçədə piyadaların nizamlı və təhlükəsiz hərəkəti təmin edildi - VİDEO

Daxili İşlər Nazirliyinin Nəqliyyatı İntellektual İdarəetmə Mərkəzindən verilən məlumata görə, paytaxtın Nərimanov rayonu, Fətəli xan Xoyski prospekti ilə Koroğlu Rəhimov küçəsinin kəsişməsində hərəkətin təşkili ilə bağlı dəyişiklik edilib.

Avtosfer.az xəbər verir ki, sürücü və piyadaların təhlükəsizliyini artırmaq məqsədilə kəsişmədə LED işıqlandırma ilə təchiz olunmuş yeni svetoforlar quraşdırılıb. Sürücülərin yolu daha aydın görməsini təmin etmək üçün “L” və “A” tipli olmaqla, piyada bölməli ümumilikdə 16 yeni svetofor istifadəyə verilib.

Qeyd olunur ki, görülən işlər Azərbaycan Yerüstü Nəqliyyat Agentliyinin layihəsi əsasında həyata keçirilib.