Bu yolda həftələrdir hərəkətə çətinlik yaradan çuxurla bağlı RƏSMİ AÇIQLAMA - VİDEO

Paytaxtda qazılan çuxur yolda mane yaradaraq nəqliyyat vasitələrin hərəkətini çətinləşdirir.

Avtosfer.az xəbər verir ki, Nizami Abdullayev küçəsində yolun hərəkət zolağı qazılıb.

Nəticədə Babək prospektindən sözügedən küçəyə, həmçinin əks istiqamətdə hərəkət edən avtomobillərin hərəkətində çətinlik yaranıb. Bu redaksiyamıza göndərilən görüntülərdə də aydın əks olunub.

Sakinlər deyir ki, bu vəziyyət 1 aya yaxındır davam edir.

Məsələ ilə bağlı Avtosfer.az-a açıqlama verən “Azərsu” ASC-nin mətbuat katibi Anar Cəbrayıllı bildirib ki, orada siyirtmə kamerası tikilir və onun üzərinə isə baxış quyusu qoyulacaq. Mətbuat katibi qeyd edib ki, artıq işlərə başlanılıb. Bu həftə ərzində problem həll olunacaq.

Məhəbbət Tərlanoğlu