Elektromobillər uşaqları bu xəstəliklərdən qoruyacaq – HESABAT

Elektrikli nəqliyyat vasitələrinə kütləvi keçid bütün dünyada insanların, xüsusən də tənəffüs yolları xəstəliklərinə meyilli olan uşaqların sağlamlıqlarına böyük fayda gətirəcək.

Avtosfer.az xəbər verir ki, bu barədə Amerika Ağciyər Assosiasiyasının hesabatında bildirilib.

Assosiasiyasının təmiz hava üzrə milli vitse-prezidentinin köməkçisi Laura Kate Bender izah edib ki, elektrikli nəqliyyat vasitələrinə keçid uşaqlara xüsusi təsir göstərəcək: “Belə ki, onların bədəni böyüklərdən fərqli olaraq inkişaf edir. Yetkinlik yaşına çatmayanlar çirkli havadan daha çox risk altında olurlar”.

Hesabata görə 2035 və 2040-cı illərdə ABŞ-da satılan bütün yeni avtomobillər və yük maşınları tullantılardan təmizlənsə, uşaqlarda astma xəstəliyi 2,7 milyon, kəskin bronxit halları isə 147,000 azalacaq.

Məhəbbət Tərlanoğlu