“Mercedes”dən bir ilk: “Nəqliyyat vasitələrinə TikToku-u inteqrasiya edəcək”
Son illərdə avtomobillərin ağıllı cihazlara çevrilməsi səbəbiylə, istehsalçıların texnologiya şirkətləri ilə daha çox ortaqlıq qurduğunu görürük. “Tesla”nın “ChatGPT”i nəqliyyat vasitələrinə əlavə etməsiylə bağlı çıxan xəbərlərdən sonra “Mercedes”dən yeni bir addım gəldi. Avtosfer.az xəbər verir ki, alman istehsalçı - “Mercedes”, son dövrlərin məşhur sosial media tətbiqi olan “TikTok”u avtomobillərinə daxil edəcəyini açıqlayıb.
Verilən məlumatlara, əsasən “TikTok”, 2023-cü ilin sonlarına doğru bazara çıxarılacaq “Mercedes-Benz”in “E-Seriyası”modellərində öz əksini tapacaq. Belə ki, sürücülər və sərnişinlər, avtomobillərdə yer alacaq nəhəng toxunuşlu interaktiv lövhə ilə səyahət zamanı “TikTok”, “Zoom” video konfransı, “Vivaldi” kimi müxtəlif tətbiqlərdən istifadə edə biləcəklər.
Nərmin Əkbər