Rusiyanın daha bir aviaşirkəti Bakıya uçuşları bərpa edir

Rusiyanın “IrAero” aviaşirkəti aprelin 4-dən Ufa hava limanından Bakıya uçuşları bərpa edəcək.

Avtosfer.az xəbər verir ki, Ufa-Bakı marşrutu üzrə uçuşlar cümə axşamı günləri "Superjet-100" təyyarəsi ilə həyata keçiriləcək.

Qrafikə əsasən, təyyarə Ufadan Bakıya yerli vaxtla saat 11:00-da yola düşəcək və saat 12:40-da Azərbaycanın paytaxtına çatacaq. Uçuş müddəti 2 saat 40 dəqiqədir.

Uçuşlar cari ilin aprelin 4-dən oktyabrın 24-dək müddətdə həyata keçiriləcək.

Ufa hava limanından verilən məlumata görə, Ufadan Bakıya uçuşlar həmçinin “Azerbaijan Airlines” (AZAL) və “Utair” şirkətləri tərəfindən həyata keçirilir.

Report