Suriyada Türkiyə “TIR”larına atəş açıldı - VİDEO

Türkiyənin Kayseri şəhərində 7 yaşlı əmisi qızına qarşı qeyri-etik davranışlar edən Suriya əsilli şəxslə bağlı məsələlər böyüyür.

Avtosfer.az xəbər verir ki, Türkiyənin bir çox iri şəhərlərində əhali suriyalılıara qarşı sərt reaksiya göstərib. İstanbulda bir Suriya vətəndaşı ayağından bıçaqlanıb, Qaziantepdə motosiklet sürücüsü olan suriyalı isə vəhşicəsinə döyülüb. Hadisələrin gedişatı Türkiyə ərazisində indiyə qədər böyüməkdə olan miqrant probleminin daha da alovlanması ilə nəticələnib.

Türkiyəlilərin bu cür davranışı Suriyada da öz əksini tapıb. Türkiyə-Suriya gömrük qapısında Türkiyə bayrağına qarşı hörmətsizlik edilib. Türkiyənin Suriyadakı əməliyyat ərazilərinin elektrik təminatçısı olan şirkətin üzərindəki türkiyə bayrağı endirilib. Suriyanın Türkiyə ilə sərhədinə toplanan suriyalılar gömrük qapısı yaxınlığında nümayiş keçirib. Türkiyə bayrağını cıraraq ayaqları altına alan nümayiş iştirakçıları gömrük qapısına yaxınlaşan Türkiyə qeydiyyat nişanlı “TIR”lara atəş açıb, daşlayıb.

Məsələ ilə bağlı Türkiyənin Milli Kəşfiyyat Təşkilatı təcili əməliyyatlara başlayıb. Araşdırmalar davam etdirilir.

Səfər Əlizadə