"X" sosial şəbəkəsində +18 məzmunla bağlı yenilik

"X" sosial şəbəkəsi erotika və pornoqrafiyanın yayımlanmasına icazə verib, bir şərtlə ki, onlar iştirak edən şəxslərin razılığı ilə yayılsın.

Qaydalarda dəyişiklik barədə şirkətin bloqunda elan edilib.

"Seksual özünüifadə, istər vizual, istərsə də yazılı olsun, bədii ifadənin qanuni forması ola bilər. Biz inanırıq ki, istifadəçilər öz razılıqları ilə yaradılmış seksual mövzularla bağlı materialları yaratmaq və paylaşmaq hüququna malik olmalıdırlar", - deyə bəyanatda bildirilir.

Bununla belə, digər istifadəçilərin baxmağa razılıq verməsi üçün bu cür məzmun müvafiq şəkildə qeyd edilməli və gizlədilməlidir. Bundan əlavə, erotika və pornoqrafiya profilin görkəmli yerlərində - istifadəçi avatarı və şəxsi bannerdə yerləşdirilməməlidir.

Mənbə: Oxu.az