Bakıda sürət limiti tətbiq edilən küçə və prospektlərin sayı artırılacaq - VİDEO

Bakı şəhərinin 33 küçəsində təyin olunmuş 30 km/saat sürət limiti gələcəkdə digər küçə və prospektlərdə üçün də nəzərdə tutula bilər.

Avtosfer.az xəbər verir ki, bunu Baş Dövlət Yol Polisi İdarəsinin İctimai qurumlarla əlaqə şöbəsinin rəisi polis mayoru Rövşən Tağıyev bildirib.

Onun sözlərinə görə, bu proses dünya təcrübəsində də öz əksini tapır.

Rövşən Tağıyev qeyd edib ki, sürət həddinin endirilməsi tətbiq edilən ölkələrdə piyadavurmaların sayı kifayət qədər azdır. Paytaxt ərazisində isə yol-nəqliyyat hadisələrinin 63 faizini piyadavurmalar təşkil edir. Bu kimi halların qarşısını almaq məqsədilə də paytaxt ərazisində 30 km/saat sürət limitli zonanın genişləndirilməsi nəzərdə tutula bilər.

Polis mayoru Rövşən Tağıyev xüsusilə yağışlı havalarda sürücüləri də diqqətli olmağa çağırıb.