Bu yol yararsız haldadır - Sürücülər ya maşınından olur, ya da canından.. - VİDEO

Sumqayıt Dairəvi Magistral yolun Müşfiqabad qəsəbəsindən Hacı Zeynalabdin Tağıyev qəsəbəsinə qədər olan hissəsi yararsız vəziyyətdədir.

Bu barədə izləyicilərdən biri Avtosfer.az-ın “Whatsapp” ünvanına videomateriallar göndərib. Kadrlardan da göründüyü kimi, yolla rahat şəkildə hərəkət etmək mümkünsüzdür. O bildirib ki, ərazidən mütəmadi olaraq istifadə edən tranzit əhəmiyyətli maşınlar nəzərdə tutulandan daha çox yük daşıdığı üçün yol bərbad haldadır. Yolun asfalt örtüyü nahamar, dərin çökəkliklərlə doludur. Hətta sözügedən yolda salınmış körpü o qədər dağılıb ki, təməlini qoyarkən istifadə olunan dəmirlər görsənir. Nəticədə ərazidən keçən nəqliyyat vasitələrinə maddi ziyan dəyir, sürücülər qəza riskiylə üz-üzə qalırlar. Şikayətçinin sözlərinə görə, yolun Sahil qəsəbəsindən keçən hissəsi, tamamilə sıradan çıxıb. 

Ümid edirik ki, sürücülərin kütləvi narazılığına səbəb olan və onları təhlükə qarşısında qoyan yolla bağlı qısa zamanda lazımi tədbirlər görüləcək. 

Nərmin