Qazla işləyən avtomobil “bomba” kimi partladı - VİDEO

Hərəkətdə olan minik avtomobili partlayıb. Avtosfer.az xəbər verir ki, Rusiyada baş verən hadisənin görüntüləri başqa bir maşının videoregistratoru tərəfindən qeydə alınıb.

Məlumata görə, qazla işləyən “Geely” maraklı minik avtomobili hərəkətdə olan zaman partlayıb.

Qəza nəticəsində 60 yaşlı sürücü yanıq xəsarətləri ilə xəstəxanaya yerləşdirilib.

Bildirilir ki, qəzaya səbəb avtomobilə quraşdırılan qaz balonunda yaranan sızma olub.

Sızmadan xəbəri olmayan sürücünün siqaret yandırması partlayışa səbəb olub.

Sözügedən kadrları təqdim edirik:

Namiq Musayev