Azərbaycanda avtomobil nəqliyyatı ilə yük və sərnişin daşımaları artıb

Ötən il Azərbaycanda nəqliyyat sektorunda daşımaların həcmində xüsusi çəkisi ən böyük olan avtomobil nəqliyyatı ilə 112,5 mln. ton yük və 1 119,9 mln. sərnişin daşınıb.

Dövlət Statistika Komitəsindən Avtosfer.az-a verilən məlumata görə, 2020-ci ilin göstəricisi ilə müqayisədə ötən il yük daşınmasında 0,9%, sərnişin daşınmasında isə 1,8% artım qeydə alınıb.

“Sərnişinlərin 92,2%-i avtobus, 7,8%-i isə minik taksilərinin xidmətlərindən istifadə edib”, - məlumatda qeyd olunur.