Azərbaycanda bayker klipi - VİDEO

Azərbaycanda bayker klipi çəkilib. Avtosfer.az-ın anspress-ə istinadən məlumatına görə, tanınmış müğənni Rauf Bədəlzadə "Duy" mahnısının ekran versiyasında baykerlərə böyük yer verib. Rejissor Delee-nin ekranlaşdırdığı klipdə peşəkar baykerlər çəkilib. Çəkilişlər Rusiyada və Azərbaycanda aparılıb. Raufun tərəf müqabili rusiyalı modeldir.

Motosikletə ilk dəfə minən müğənni çəkiliş zamanı təhlükə ilə üzləşdiyini deyir: "Bir neçə dəfə qəza keçirdim. Çünki həyatımda ilk dəfə idi ki, motoskiletə minirdim, düşünməzdim ki, belə təhlükəli olar. 2-3 dəfə motoskiletin üzərindən aşdım, amma şükürlər olsun ki, çox ciddi zədələnməmişəm. Amma sizə deyim ki, sonra motosikletə öyrəşdim". 

Qeyd edək ki, sözügedən mahnının sözü və musiqisi Zülfi Bədəlova aiddir.