Azərbaycanda daha 6 nəqliyyat vasitəsi özəlləşdirilib

İqtisadiyyat Nazirliyi yanında Əmlak Məsələləri Dövlət Xidmətinin keçirdiyi növbəti hərracda 6 nəqliyyat vasitəsi özəlləşdirilib.

Avtosfer.az bu barədə quruma istinadən xəbər verir.

Məlumata görə, nəqliyyat vasitələri üzrə sifarişlərin çoxluğu hərracı rəqabətli edib. Hərracda satılan avtomobillərə edilən təklif start qiymətindən çox olub. Belə ki, “Nissan Altima” markalı avtomobilin ilkin qiyməti 4 700 manat olsa da, ən son təklif 6 400 manata yüksəlib. Start qiyməti 1 000 manat olan “QAZ 3102” markalı avtomobil isə sonda 3 000 manata satılıb.

Hərracda satılan nəqliyyat vasitələrinin siyahısı ilə https://clck.ru/37o23E linki vasitəsilə tanış olmaq mümkündür.

Növbəti hərraclar 23 və 30 yanvar tarixlərində keçiriləcək.