Bakı metrosunda sərnişin öldü - FOTO

Bu gün səhər saatlarda Bakı Metropolitenində bədbəxt hadisə qeydə alınıb. Avtosfer.az-ın məlumatına görə, metronun “Gənclik” stansiyasında sərnişinlərdən biri metroya daxil olduqdan sonra özünü narahat hiss etməyə başlayıb. Dərhal təcili yardım ximətinə məlumat verilib. Lakin özünü yaxşı hiss etməyən vətəndaş həkimlər gələnə qədər dünyasını dəyişib. 

"Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayevin anspress-ə verdiyi məlumata görə, hadisə “Gənclik” stansiyasından çıxışda qeydə alınıb. Girşidə qəfil yıxılaraq dünyasını dəyişən 1951-ci il təvəllüdlü Sabir Balamirzə oğlu Bağırovdur. İlkin ehtimala görə, kişi ürək çatışmazlığından dünyasını dəyişib. Onun ölüm səbəbləri araşdırılır. Faktla bağlı araşdırma aparılır.