Bakıda film kimi qaçış: Sərxoş sürücü şəhəri bir-birinə qatdı - VİDEO

Gecə saatlarında Bakının Yasamal rayonunda polis əməkdaşlarının iştirakı ilə insident baş verib. Sərxoş sürücü karantin postunda sənədləri təqdim etmək barədə polis patrulunun tələblərinə cavab verməyib və qaçmağa çalışıb. Hadisə yerli sakinlər tərəfindən mobil telefon kameralarına çəkilib. Avtosfer.az-ın məlumatına görə Polis İdarəsindən oxu.az-a bildirilib ki, hadisə 29-cu Polis Bölməsinin ərazisində baş verib.

Hüquq-mühafizə orqanlarının əməkdaşları sərxoş sürücünü saxlayıb və polis məntəqəsinə apararaq, baş verənlərlə bağlı protokol tərtib ediblər.

Saxlanılan şəxsin adı hələlik açıqlanmayıb.