Benzin əvəzinə səhvən dizel əlavə edilirsə ..... - VİDEO
Avtoxəbər 17 May 2020 22:26 Oxunub 3934
Benzin əvəzinə səhvən dizel əlavə edilirsə .....  - VİDEO

Yanacaqdoldurma məntəqəsində bəzən elə olur ki, səhvən benzin əvəzinə dizel, dizel əvəzinə benzin yanacağı vurulur. Həmin vaxtı isə bəzi sürücülər yanacaq çənini boşaltmaqla problemi həll etməyə çalışırlar. Bu isə sürücünü sonradan xeyli xərcə sala bilər.Ustalar belə halla qarşılaşan sürücülərin mütləq qaydada ustaya müraciət etməsini tövsiyyə edir. Çəkilən bütün xərcləri isə yanacaq doldurma məntəqəsi qarşılamalıdır.

Benzinlə işləyən avtomobilə yanacaq doldurma məntəqəsində dizel yanacağı əlavə ediblər.

Hadisə paytaxt sakini Xəqani Mehdiyevin başına gəlib.O deyir ki,yanacaqdoldurma məntəqəsində işləyən şəxsə benzin deməyinə baxmayaraq,onun avtomobilinə dizel yanacağı töküblər.

Avtomobil ustaları isə bildirir ki,belə hadisələr son zamanlar tez tez baş verir.Lakin bəzi sürücülər həmin an səhv edərək çəni boşaldır yenidən yanacaq tökərək sürürlər.Bu isə sürücünü xeyli xərcə sala bilər.

Avtomobil ustası Sahil Ağabəyli deyir ki,benzin mühərrikli avtomobilin yanacaq çəni tam boşaldılsa belə orda mütləq dizel yanacağı qalır.Ona görə də çən tam sökülüb benzinlə yulmalı yanacaq filtrləri dəyişməlidir.Bütün xərcləri isə yanacaq doldurma məntəqəsi qarşılamalıdır.

Ustalar bu hala qarşılaşan sürücülərə mühərriki işə salmamağı və mütləq qaydada ustaya müracət etməyi tövsiyyə edir.

ŞƏRH YAZ
Ad

E-mail

Şərh