Bu xətt olan yerdə maşın saxlayanlar cərimə ediləcək - QANUN DƏYİŞİR
Avtoxəbər 25 Yanvar 2022 12:52 Oxunub 23930
Bu xətt olan yerdə maşın saxlayanlar cərimə ediləcək - QANUN DƏYİŞİR
Sarı xətt dayanma-durmanı qadağan edəcək

"Yol hərəkəti haqqında" Azərbaycan Respublikası Qanununa dayanma və durma qaydalarının dəqiqləşdirilməsi ilə bağlı dəyişikliklərin edilməsi nəzərdə tutulur. Layihədəki yeniliklərdən biri sarı xətlərin hüquqi mənasının bərpa olunmasıdır. Əgər bu dəyişiklik Milli Məclis tərəfindən qəbul olunarsa ondan sonra sürücülərin sarı xətt kimi tanıdığı 1.4 nişanlanması 3.27 nişanı olmadan da dayanmanı qadağan edəcək. Sürücülərin qırıq-qırıq sarı xətt kimi tanıdığı 1.10 nişanlanması isə 3.28 nişanı olmadan da durmanı qadağan edəcək. Lakin bu dəyişikliklərin edilməsindən sonra yollarda bəzək kimi tətbiq olunmuş sarı xətlərin hamısı ləğv edilməli, bu xətlər yalnız dayanmanın və durmanın qadağan edilməli olduğu yerlərdə saxlanmalıdır. Ona görə də bu dəyişiklik qəbul edilərsə, onun qüvvəyə minməsi ən azı bir ildən sonra baş verməli və bu bir il müddəti üçün yol hərəkətini təşkil edən qurumlara, xüsusən də BNA-ya və DYP-yə konkret tapşırıq verilməlidir ki, sarı xətlərlə bağlı xaotik vəziyyəti aradan qaldırsınlar. Bu xətləri yalnız qaydalara uyğun dayanmanın və durmanın qadağan edildiyi yerlərdə tətbiq etsinlər.

 

Ərşad Hüseynov

Hüquqşünas

FOTO QALEREYA
ŞƏRH YAZ
Ad

E-mail

Şərh