"Ford" 48 milyard dollardan çox gəlir əldə etdi

Amerikanın avtomobil istehsalçısı "Ford Motor" ötən ilin dördüncü rübündə gəlirini 5% artırıb.
Avtosfer.az "İqtisadiyyat.az"a istinadən xəbər verir ki, bu barədə şirkətin hesabatında deyilir.

Məlumata görə, "Ford"un düzəliş edilmiş mənfəəti və gəliri son rübdə bazar gözləntilərini üstələyib.

Oktyabr-dekabr aylarında xalis mənfəət 1,8 milyard dollar və ya hər bir səhm üçün 0,45 dollar olub. Ötən il şirkət 500 milyon dollar və ya hər bir səhm üçün 0,13 dollar xalis zərərlə üzləşib.

Avtomobil istehsalçısının rüblük gəliri isə 46 milyard dollardan 48,2 milyard dollara yüksəlib.

"Ford" cari il üçün 8-9 milyard dollar kapital qoyuluşu planlaşdırır.