Formula-1 qalibi avtomobil icarəyə götürə bilmədi – YAŞI AZDIR

3 ildir Formula-1 çempionatında qalib titulunu əldən verməyən Maks Ferstappen Portuqaliyada kuryozla qarşılaşıb. 

Avtosfer.az xəbər verir ki, niderlandlı pilot dost-tanışları ilə birgə 3 təyyarədə Portuqaliyaya gəlib. Onların məqsədi 20 avtomobil icarəyə götürərək 3 gün ərzində yarış yolunda məşq etmək olub.
Lakin pilot ştatdankənar vəziyyətlə qarşılaşıb. Şirkət onun yaşının az olduğunu əsas gətirərək Mercedes-AMG GT avtomobili verməkdən imtina edib. Bu maşınlar yaşı 30-dan çox olan sürücülərə verilir. 26 yaşı təzə tamam olan pilot 5-ci seriya BMW ilə kifayətlənməli olub.

Məşhur latın  ifadəsində deyildiyi kimi, “dura lex, sed lex”, yəni qanun sərt olsa da qanundur.