Geely Binyue modeli Pro idman versiyasında təklif ediləcək

Geely şirkəti Binyue modelinin "qaynar" Pro versiyasını buraxacağını bəyan edib. "Qaynar" Geely Binyue Pro krossover 1,5-litrlik üçsilindrli turbomühərrikin gücü artırılmış versiyasına xə xüsusu dekora sahib olacaqdır.

Geely şirkəti hələlik yalnız Binyue Pro modelinin rəsmi şəkillərini paylaşmaqla kifayətlənib. Pro modifikasiyası adi krossoverdən daha aqressiv dizaynı olan ön bamperləri, qara rəngli təkər disləri, qırmızı əyləc supportları, kuzovun ikirəngli boyama sxemi və iki cütlənmiş çıxış borulari olan buraxılış sistemi ilə seçiləcəkdir. Bundan başqa, krossover damda quraşdırılmış spoylerə, "karbondan" güzgü korpuslarına və interyerin idman üslubunda tərtibatına malik olacaqdır.

Daxili bazarda Pro modeli 177 at qüvvəsi və 250 Nm fırlanma anı hasil edən 1,5-litrlik turbomühərrik, həmçinin eyni mühərrikin 48-voltluq startyor-generator ilə təchiz edilmiş yumşaq hibrid versiyası (190 at qüvvəsi və 300 Nm) və qoşulan hibrid güc qurğusu (258 at qüvvəsi və 415 Nm) ilə təchiz ediləcəkdir. Sonuncu versiya elektrik ötürməsi ilə 62 kilometrə qədər məsafə qət edə bilər.

Geely Binyue Pro modelinin texniki hissəsi və qiymətləri barədə məlumat 15 apreldə açıqlanacaqdır. Yalnız bundan sonra, sifarişlərin qəbuluna start veriləcəkdir.