İşdən evə qayıdan YPX inspektoru atəşə tutuldu

İnquşetiya Respublikasında naməlum şəxslər Yol Polis Xidmətinin (YPX) əməkdaşının olduğu maşına atəş açıblar. Avtosfer.az xəbər verir ki, insident aprelin 10-da gecə saatlarında Nazran şəhərində qeydə alınıb. Bu barədə “TASS” agentliyi məlumat yayıb.

Məlumata görə, polis inspektoru işdən evə qayıdan zaman naməlum şəxslər Respublika YPX postu yaxınlığında ona silahdan atəş açıblar. Hadisə zamanı o xəsarət almayıb.

Bildirilir ki, şübhəlilərdən biri saxlanılıb.

İlkin ehtimallara görə, hücum şəxsi münasibətlər zəmində baş verib.

Araşdırmalar aparılır.

Namiq Musayev