“Jetour” “Shanhai L9” krossoverinin kamuflyajlı casus fotosunu dərc edib

“Jetour” yeni nəsil “Shanhai L9” krossoverinin kamuflyajlı fotolarını yayımlayıb.

Avtosfer.az “Carnewschina”ya istinadən xəbər verir ki, avtomobil hazırda Çində sınaqdan keçirilir.

Qeyd olunur ki, avtomobil sələfindən daha böyükdür (uzunluq artımı demək olar ki, beş santimetrdir) və ön hissəsinin yeni dizaynı sayəsində daha müasir görünür.

Avtomobilə 1,5 litrlik turbomühərrik SQRH4J15 və iki elektrik mühərrikindən ibarət güc bloku əlavə edilib. Aqreqatların ümumi gücü 421 at qüvvəsindədir. Qarışıq sürmə rejimində avtomobil 100 km-ə 1,5 litr yanacaq sərf edir. 10 dəqiqəlik şarjla əlavə 200 kilometr məsafə qət edə bilir.

Namiq Musayev