Kanada ABŞ-ni "Tesla" ilə hədələdi

ABŞ Prezidenti Donald Tramp administrasiyasının qonşu Kanada və Meksika, eləcə də Çin mallarına tətbiq etdiyi tariflər bu ölkələrin əks reaksiyasına səbəb olub.

Avtosfer.az auto.ru-ya istinadən xəbər verir ki, Kanada cavab olaraq "Tesla" elektrik avtomobillərinin idxalına 100% vergi qoymağa hazırdır.

Kanada Xəzinədarlıq Departamenti bildirib ki, hökumət ABŞ-nin hərəkətlərinə proporsional cavab verməyə və "Tramp vergisi"ndən təsirlənəcək bizneslərə, onların işçilərinə yardım göstərəcək.

İcmalar Palatasının deputatı və baş nazirliyə namizəd Kristia Friland "Tesla" elektrik avtomobillərinə, eləcə də ABŞ mənşəli spirtli içkilərə 100 faizlik tarif təklif edib. Onun fikrincə, tariflər Donald Trampı dəstəkləyənlərə zərər vurmalıdır ki, belə iş adamları arasında seçki kampaniyasına sponsorluq edən İlon Mask da var.

(oxu.az)