LED işıqlar qadağan ediləcəkmi? - Qəzaya səbəb olduğu Avropada təsdiqləndi

Son 10 ildə istehsal olunan avtomobillərdə LED işıqların quraşdırılması adi hal alıb. 

Avtosfer.az xəbər verir ki, LED lampalar daha yaxşı işıqlanma təmin etdiyi üçün sürücülərin marağına səbəb olub. İstehsalçılar isə bunları qənaətcilliyinə görə sevirlər. 
Lakin son illərin təcrübələri göstərir ki, Avropada bu işıqlardan narazılıq artır. Səbəb isə qarşıdan gələn avtomobilin sürücüsünün gözünü daha çox qamaşdırmasıdır. 
Britaniya və İsveçrədə aparılan sınaqlarda məlum olub ki, gecə saatlarında LED işıqlı avtomobillə üz-üzə gəldikdən sonra sürücünün adaptasiyası üçün bəzən 9 saniyə tələb olunur. Bu da hansısa qəzanın baş verməsi üçün kifayət edir. 
Məsələnin ciddiliyini nəzərə alan sürücü assosiasiyaları LED işıqlara dair qanun qəbulu üçün Avropa Komissiyasına müraciət edib.

Vüqar