“Mercedes-Benz” 669 min avtomobili geri çağırır – Yanacaq sızması səbəbindən

“Mercedes-Benz” Çin bazarlarında 669 min “C-“, “E-“ və “V-class” modellərini geri çağırır. Avtosfer.az xəbər verir ki, buna səbəb yanacaq sızmasıdır. Avtomobillərin geri çağırılması bu ilin dekabr ayının 18-dən başlayacaq. Bu barədə “Sinhua” agentliyi məlumat yayıb.

Agentliyin məlumatına görə, nasazlıq aradan qaldırılmazsa, mühərrikin yüksək təzyiqli yanacaq pompası ilə aşağı təzyiqli benzin xətti arasındakı əlaqə uzun müddət istifadədən sonra sıxlığın azalmasına məruz qala bilər və bu da öz növbəsində yanacaq sızmasına gətirib çıxarar.

Bildirilir ki, avtomobilin nasaza detalları yenisi ilə əvəzlənəcək və bu nəqliyyat vasitəsi sahiblərinə pulsuz həyata keçiriləcək.

Namiq Musayev