"Mercedes-Benz C-Class" modeli üçün yenilik edib - FOTO

Mercedes-Benz şirkəti Şanxay avtosalonunda W206 nəslindən olan yeni C-Class sedanının uzadılmış versiyasını nümayiş etdirib: avtomobil standart sedandan 89 millimetr artırılmış təkər bazası (2954 millimetr) və 131 millimetr artırılmış ümumi uzunluğu (4882 millimetr) ilə fərqlənir.

Uzunluğu artırılmış Mercedes-Benz C-Class sedanı ənənəvi olaraq yalnız Çin bazarında təklif edilir: uzun təkər bazası olan modifikasiyasını arxa sütunlardakı L hərfi şəklindəki loqotipləri və “nişangahı” olan klassik xrom barmaqlığı sayəsində tanımaq olar.