"Moyka"dan “Hyundai” oğurlayan keçmiş məhkum tutuldu

Fevralın 3-də səhər saatlarında Bakının Səbail rayonu ərazisində yerləşən avtoyuma məntəqələrinin birindən “Hyundai” markalı avtomobilin qaçırılması barədə polisə məlumat daxil olub.

Daxili İşlər Nazirliyindən Avtosfer.az-a verilən xəbərə görə, polis əməkdaşlarının keçirdikləri tədbirlərlə avtomobil həmi gün saat 11 radələrində Binəqədi rayonu ərazisində təkərləri oğurlanmış vəziyyətdə tapılıb. Bu əməli törətməkdə şübhəli bilinən Bakı şəhər sakini əvvəllər məhkum olunmuş A.Rəhimov polis əməkdaşları tərəfindən müəyyən edilərək saxlanılıb. 

Araşdırma aparılır.