Nadir idman avtomobili hərraca çıxarıldı - FOTO

"Bring a Trailer" onlayn hərracı "AAR-Toyota Eagle HF89" idman avtomobili üçün təklif irəli sürüb.

Bu barədə Avtosfer.az auto.ru-ya istinadən xəbər verir.

Məlumata görə, avtomobil 1980-ci illərin sonunda IMSA yarış seriyası üçün "Toyota" və "All American Racers" komandası tərəfindən hazırlanmış dörd modeldən biridir.

Avtomobil yarışlarda fəal iştirak edib və 2010-cu illərin ikinci yarısında onun ilkin vəziyyətinə qaytarılmasına 800 min dollar xərclənib. Güc bloku yalnız trek üçün nəzərdə tutulmuş 2.14 litrlik dördsilindrli turbomühərrikdir. Avtomobil beş pilləli "Hewland" mexaniki sürət qutusu və arxa ötürücü ilə işləyir.

Hərracın sonuna bir neçə gün qalmış təkliflər 101 098 dollara çatıb.(oxu.az)