“Nissan” Hubey əyalətindəki müəssəsini işə salır

“Nissan Motor” şirkəti Çinin COVİD-19 virusunun yayılma ocağı olan Hubey əyaləti Xianqyanq şəhərindəki müəssisəsini işə salmaq planını açlıqlayıb.

“Report” “TeleTrader”ə istinadən xəbər verir ki, bu həftənin sonundan işə düşəcəyi nəzərdə tutulan müəssisənin tam gücü ilə məhz nə vaxtdan fəaliyyət göstərəcəyi hələlik məlum deyil.

Xatırladaq ki, yeni koronavirusun yaylması üzündən Çindəki müəssisələrini müvəqqəti dayandırmış “Nissan Motor”, habelə “Toyota Motor”, “Mazda Motor”, “Honda Motor” da artıq bu ölkədəki istehsalatı tam və ya qismən bərpa ediblər.

“Kyodo” xəbər verir ki, bu ilin fevral ayında “Nissan” avtomobillərinin Çindəki satış həcmi ötən ilin müvafiq dövrünə nisbətən 80 faiz az olub.