Qarlı havada nə üçün dayanacaq tormozundan istifadə etmək olmaz? - FOTO

Dayanacaq tormozu hər bir avtomobil üeçün vacib detaldır. Amma qış aylarında bəzən faydalı deyil, zərərli ola bilər. 

Avtosfer.az xəbər verir ki, azərbaycanlı sürücülər arasında da son illərdə dayanacaq tormozundan istifadə ənənəsi formalaşır. Bu da özlüyündə təqdirəlayiq haldır, amma...

Qar və şaxtalı havalarda evə gəldikdən sonra sürücü dayanacaq tormozunu çəkirsə, problem bundan sonra başlayır. Yol boyu tormoz barabanları üzərinə toplanmış maye gecə ərzində donur və tormoz qəlibi diskə yapışır. Beləliklə, maşınınn təkərləri bloklanır və onu açmaq üçün barabanın üzərinə qaynar su tökmək lazım gəlir. Bu zaman temperatur fərqinə görə detallar sıradan çıxa bilər.  

Vəziyyətdən çıxış yolu qarlı və şaxtalı havalarda dayanacaq tormozundan istifadə etməməkdir. Bəzən gündüz yol quru olsa da, gecə yağmış qara görə sürücü sürprizlə qarşılaşa bilər.

Vüqar