Qazaxıstanda elektriklə işləyən avtomobillərin sayı artıb - RƏQƏMLƏR

Qazaxıstanda elektriklə işləyən avtomobillərin sayı 1,6 dəfə artıb.

Avtosfer.az-ın məılumatına görə, statistikalar göstərir ki, 2024-cü il dekabrın 1-nə qeydə alınmış elektrik nəqliyyat vasitələrinin sayı bir il əvvəlki 7680 ədədlə müqayisədə 12587 ədəd təşkil edib.

Bu həm minik avtomobillərinə, həm yük maşınlarına, həm də avtobuslara aiddir. Artım minik avtomobilləri arasında xüsusilə nəzərə çarpıb: onların sayı 7 383 ədəddən 12 119 ədədə yüksəlib.

İlk üçlük bunlardır:

- Almatı - 7309 elektromobil;

- Astana - 1510 elektrik avtomobil ;

- Almatı vilayəti - 638 elektromobil.

Bu gün elektrik yük maşınlarının sayı 338 ədəd, avtobuslar isə 130 ədəddir.

Namiq Musayev