Sərxoş qadın sürücü polisi dişləyib

Moskvada sərxoş qadın avtomobilini evakuasiya etmək istəyərkən polis əməkdaşına hücum edərək onu dişləyib.

Avtosfer.az bildirir ki, bu barədə Rusiyanın Daxili İşlər Nazirliyinin mətbuat xidmətindən məlumat verilib.

"İyulun 16-da saat 20:30-da Marşal Jukov prospektində yol polisi inspektoru avtomobili saxlayıb. Onu sərxoş vəziyyətdə 1969-cu il təvəllüdlü vətəndaş idarə edib. Qadın avtomobili evakuatora yükləyərkən özünü aqressiv aparıb, evakuasiyaya mane olmağa çalışıb, nalayiq ifadələr işlədib və polis əməkdaşına bədən xəsarətləri yetirib. O, saxlanılaraq ərazi polis şöbəsinə aparılıb", - idarədən bildirilib.

Hazırda saxlanılan şəxslə bağlı inzibati materiallar tərtib edilib, prosessual qərarın qəbul edilməsi üçün istintaq orqanlarına göndərilib.