Sürücülərimiz yağışlı havadan niyə çəkinir? - FOTO

Bakıda cüzi yağıntı olan kimi avtomobillərin hərəkət sürəti saatda 20 kilometrə düşür, əvvəlki günlərdə “sağ-sol edənlər, ara işləyənlər” yoxa çıxır. Əvəzində isə qeyri-iş günlərində də uzun tıxaclar yaranır, ictimai nəqliyyatın işi iflic olur. Bəs səbəb nədir? Niyə sürücülərimiz yağışlı havada hərəkət etməkdən qorxurlar?
Avtosfer.az xəbər verir ki, heç bir şey səbəbsiz deyil. Əvvəla, avtomobillərin çoxu mövsümi təkərlə komplektləşdirilmədiyi üçün azacıq yağış tormoz yolunun kifayət qədər artmasına səbəb olur (avtomobillərin çoxunda ABS-in yalnız adı var!). Bəzi küçələrdə sel yarandığı üçün sürücülər daha aşağı sürətlə getməyə məcburdurlar. Bunu bir qisim sürücü piyadalara hörmət üçün, bir qisim də maşını qorumaq naminə edir.
Ən pis məqamlardan biri də yağışın yollardakı çalaları örtməsidir. Çala və ya açıq kanalizasiya yaxşı halda yolda hərəkətin dayanmasına, pis halda isə avtomobilin çox bahalı təmirinə səbəb olur. Bəzi keçid və tunellərdə suyun ortasında qalan avtomobilləri dəfərlərlə xəbərlərdə görmüşük.
Üstəgəl, yağışlı havada tormoz məsafəsi ilə yanaşı görmə məsafəsi də azalır. Gecə saatlarında isə vəziyyət daha ağır olur. İnsanlar daha çox qara geyimə üstünlük verdiyi üçün sürücü piyadanı görə bilmir. Qanunvericilikdə isə görünməni çətinləşdirən geyimə görə heç bir məsuliyyət yoxdur.
Bütün amillər bir yerə toplandıqda isə dəhşətli, saatlarla davam edən tıxaclar yaranır.
Vüqar
Azərbaycanda maşınlar ucuzlaşacaq - Yanvarın 1-dən...
Elektromobillərə güzəşt tələbi: İdxal vergisi satışa necə təsir etdi? - FOTO
Avtomobil təkərini hansı hallarda təmir etmək lazımdır? - Mütəxəssisdən tövsiyələr
“Mercedes” 70-ci illərdəki prototipi hərraca çıxarır – 25 milyon USD - FOTOLAR
"BMW" böyük dəyişikliklərə hazırlaşır: Bəzi məşhur modellər əvvəlki kimi olmayacaq - FOTO
Evində maşını olanların NƏZƏRİNƏ!
"BMW" sahiblərinə qəribə müraciət: Maşını qarajda saxlamayın
Elektromobillərin daha bir mənfi tərəfi üzə çıxdı
Avtomobilin sobası niyə yaxşı qızdırmır? - 5 əsas SƏBƏB
Böyük dövrlü mühərrik elektromobil üçün üstünlükdürmü?
Çin avtomobili kraş-testdə 0 bal aldı - VİDEO














