Tıxaca son qoymaq üçün "Tarqovı"ya maşınla giriş bağlana bilər - Sürücülərə BƏD XƏBƏR

Xaqani bağının (Malakan bağı) ətrafında nəqliyyatın hərəkətinin məhdudlaşdırılması gözlənilir. Təsəvvür edin, pik saatlarda parkın ətrafında o qədər avtomobil hərəkət edir ki, hətta digər küçələrdə də sıxlıq yaranır. Məsələn, hər axşam Zərifə Əliyeva küçəsində - Sahil metrosunun ətrafında yaranan tıxac və sıxlıq "Tarqovı"ya maşınla gedənlərə görə yaranır. Yəqin özünüz də şahidi olmusunuz ki, oradan keçib Neftçilər prospektinə çıxaraq Azneft istiqamətində hərəkət edəndə yolun boş olduğunu görürür. "Tarqovı"ya cəmi bir zolaqla maşın yolu olsa da, 3 zolaqda dirənib bir küçəyə girməyə çalışan sürücülər yolu bağlayır və sola gedənlər üçün cəmi 1 zolaq qalır.
Avtomobillərin yaratdığı səs-küy isə parkdakı insanların, orada yaşayanların istirahətini mümkünsüz edir. Buna görə də ərazinin piyadalaşdırılmasına ciddi ehtiyac var.
Nəzərinizə çatdırım ki, artıq belə bir layihə müzakirə olunur.

Elməddin Muradlı