Tramp Maska dəstək oldu: “Tesla” aldı - FOTO

ABŞ Prezidenti Donald Tramp yeni “Tesla” avtomobili alıb.

Avtosfer.az xəbər verir ki, bununla bağlı görüntülər sosial şəbəkələrdə geniş yayılıb.

Tramp Ağ Evin qarşısında dayanmış qırmızı “Tesla” avtomobilinin yanında jurnalistlərə açıqlama da verib. Onun yanında “Tesla”nın sahibi İlon Mask və azyaşlı oğlu olub.

Tramp Maska dəstəyini ifadə edərək ona qarşı çox ədalətsiz davranıldığını bildirib.

ABŞ prezidenti, həmçinin qeyd edib ki, onun avtomobili idarə etmək icazəsi yoxdur, lakin aldığı “Tesla” Ağ Evdə qalacaq və heyətinin üzvləri idarə edəcək.

Qeyd edək ki, Tramp daha əvvəl Maska dəstək üçün yeni “Tesla” alacağını açıqlamışdı.

Xatırladaq ki, İ. Maskın ABŞ Hökumət Səmərəliliyi Departamentinin (DOGE) hökumət aparatını ixtisar etmək üçün atdığı addımlar ölkədə “Tesla”ya qarşı etirazlara səbəb olub. Maskın xalis sərvəti “Tesla” səhmlərinin əhəmiyyətli dərəcədə azalmasından sonra bir gündə 8,8 milyard dollar azalıb.