Yeni avtomobil alandan sonra zavod qüsuru aşkarlanarsa, nə etməli? - VİDEO

Zavod qüsuruna görə geri çağırılan avtomobillərlə bağlı sosial şəbəkələrdə və mediada tez-tez məlumatlar paylaşılır. Xüsusən də yeni avtomobilləri müxtəlif marka və modeldə olan zavod xətası ilə əlaqədar istehsalçı şirkət tərəfindən geri çağırılır.

Ölkəmizdə də avtomobil parkının günü-gündən yeniləndiyini nəzərə alsaq, yeni avtomobil sahib olanlar az deyil.

Avtosfer.az-ın məlumatına görə, avtomobil eksperti Eldəniz Cəfərov deyir ki, bu proses beynəlxalq qaydalara əsasən icra olunur. Geri çağırılan avtomobildəki qüsur istehsalçı şirkət hesabına aradan qaldırılaraq sahibinə təhvil verilir.

Onun sözlərinə görə, ölkəmizdə də əksər istehsalçı şirkətlərin rəsmi diler və ya distribütoru olduğundan sözügedən avtomobil sahibləri aiddiyyəti üzrə yaxınlaşaraq problemi aradan qaldıra bilərlər. Hətta bəzi şirkətlər bunun üçün onlayn platforma da hazırlayıblar.

Eldəniz Cəfərov əlavə edib ki, istehsalçı şirkətlərin bu addımı atmalarına səbəb həm nüfuzlarını qorumaq, həm də hər hansı zavod qüsuru səbəbindən yarana biləcək təhlükənin qarşısını almaqdır.

Ətraflı videomaterialda.