“Aeroportda temperaturu uzaqdan ölçmək mümkün olacaq”

“Azərbaycanın beynəlxalq hava limanında termometrial, yəni uzaqdan temperaturun ölçülməsi mümkün olacaq”.

Avtosfer.az xəbər verir ki, bunu COP29 çərçivəsində tibbi xidmətin təşkilinə dair brifinqdə səhiyyə nazirinin müavini Nadir Zeynalov deyib.

Onun sözlərinə görə, bir çox infeksion xəstəliklərin ilkin əlaməti yüksək temperaturdur.

O bildirib ki, buna görə gələn qonaqların uzaqdan temperaturunun ölçülməsi ilə onlar arasında kimdəsə infeksion xəstəlik olarsa, aşkarlanacaq və əgər şübhəli hallar olarsa, həmin şəxsin müayinə və müalicə olunması təşkil olunacaq.

“Meymunçiçəyi, COVID-19 və digər respirator infeksiyaların laborator diaqnostikası üçün lazım olan diaqnostik testlər gətirilib. Tədbirdə iştirak edəcək qurumların əməkdaşları üçün peyvəndlər gətirilib”, - N.Zeynalov əlavə edib.