Ölkəyə 5 ədəd elektriklə işləyən təcili tibbi yardım avtomobili gətirilib - FOTO

COP29 çərçivəsində tibbi xidmət sahəsində istifadə üçün ölkəyə 5 ədəd elektriklə işləyən təcili tibbi yardım avtomobili gətirilib.

Avtosfer.az xəbər verir ki, bunu TƏBİB-in icraçı direktoru Vüqar Qurbanov COP29 konfransı çərçivəsində keçirilən tibbi xidmətlərin təşkilinə həsr olunmuş brifinqdə deyib.

“Hazırda həmin avtomobillərin sınaq prosedurları həyata keçirilir. Elektriklə işləyən təcili tibbi yardım avtomobilləri test olunduqdan sonra müəyyən olunmuş ərazilərdə istifadə ediləcək", - deyə V.Qurbanov qeyd edib.