Adı 2 milyonluq qalmaqalda hallanan "Amal Group"u bu məmurlar himayə edirmiş

Ötən gün Qubadlı rayonunda tikinti işlərini həyata keçirən "Amal Group"un subpodratçı şirkət olan "Upsilon" MMC-nin ödənişini həyata keçirməməsi barəsində xəbər yayımlamışdıq. Araşdırmalarımız nəticəsində "Amal Group" haqqında maraqlı faktlar üzə çıxıb. Həmin şirkət yüksək vəzifəli məmurlar tərəfindən himayə edilirmiş.

Avtosfer.az-ın "Unikal"a istinadən məlumatına görə, "Amal Group" şirkətinin sahibi Teymur adlı şəxsdir. O, bəzi iri ranqlı məmurlarla yaxın qohumluq əlaqələrinə malikdir. Belə ki, Mənzil İnşaatı Dövlət Agentliyinin (MİDA) İdarə Heyətinin sədri Sadiq Sadıqov "Amal Group"un sahibi Teymurun qayınatası, iqtisadiyyat nazirinin müavini Anar Axundov isə bacısının həyat yoldaşıdır.

Qeyd edək ki, 2023 və 2024-cü illərdə "Amal Group" bir sıra böyük tenderlərin də qalibi olub.