“ADY Konteyner” “Rail Cargo Macarıstan”la əməkdaşlığa başlayır

“Azərbaycan Dəmir Yolları” QSC-nin törəmə müəssisəsi - “ADY Konteyner” MMC Avropadakı əlaqələrini genişləndirir.

Avtosfer.az xəbər verir ki, bu barədə “Report”a şirkətdən bildirilib.

Məlumata görə, şirkətin nümayəndəsi Rəşad Məcidov “Rail Cargo Macarıstan” şirkətinin direktoru Marta Gabor və həmin şirkətin Cənub-Şərqi Avropa üzrə təmsilçisi Daniel Dejo ilə görüşüb.

Görüşdə Mərkəzi və Şərqi Avropa ilə Azərbaycan və Mərkəzi Asiya arasında konteynerlə yükdaşımaların birgə təşkil olunması məsələləri müzakirə olunub.

Qeyd edilib ki, görüş zamanı tərəflər digər məsələlərlə yanaşı, potensial yük bazasının müəyyən olunması, yüklər haqqında statistik məlumatların toplanaraq mübadilə edilməsi, tərəfdaşlığın hüquqi bazasının yaradılması istiqamətində birgə tədbirləri müzakirə ediblər. Müqabil tərəf Azərbaycanın və Azərbaycan ərazisindən tranzit olaraq Orta Asiya regionunun “Rail Cargo Macarıstan” şirkəti üçün vacib region olduğunu vurğulayıb.

Görüşdə ,həmçinin Macarıstan Dəmir Yolu Assosiasiyasının direktoru Hodosi Lacos da iştirak edib.