Albert Aqarunovun vurduğu tank Hərbi Qənimətlər Parkında - FOTO

Ermənilərin Şuşanın girişində qoyduqları tank abidəsi Bakıya Hərbi Qənimətlər parkına gətirilib.

Lent.az xəbər verir ki, artıq sözügedən 442 nömrəli tank park ərazisində nümayiş üçün quraşdırılır.

Qeyd edək ki, bu döyüş texnikası Şuşaya hücum edən ilk tankdır. Texnika Milli Qəhrəman Albert Aqarunov tərəfindən vurularaq ekipajı ilə birgə məhv edilib. Sonradan ermənilər həmin tankı Xankəndi-Şuşa yolunda, Şuşa şəhərinin girişinə qələbə rəmzi kimi qoyublar. Ordumuzun keçirdiyi antiterror əməliyyatları zamanı həmin "qələbə rəmzi" ərazidən götürülüb.